આજરોજ તારીખ 22/7/2021ને ગુરુવારના રોજ શ્રી હડિયાણા કન્યાશાળા ના ધોરણ ૧ થી ૮ ના તમામ વિદ્યાર્થીની બહેનોના વાલીઓની એક ઓનલાઇન વાલી મીટીંગનું આયોજન કરવામાં આવ્યું હતું. આ વાલી મીટીંગમાં શાળાના મ. શિ. દેવાંગીબેન બારૈયા દ્વારા સૌપ્રથમ વાલીઓનું શાબ્દિક સ્વાગત કરવામાં આવ્યું હતું. ત્યારબાદ શાળાના આચાર્યશ્રી અરવિંદ એન.મકવાણા દ્વારા ઓનલાઈન ક્લાસ, ટીવી પર આવતા શૈક્ષણિક કાર્યક્રમો,ફળિયા શિક્ષણ, એકમ કસોટી વગેરે અંગે વાલીઓને વિસ્તાર પૂર્વક સમજણ આપી હતી. સી.ઓ. ધમસાણિયા દ્વારા G- shala એપ્લિકેશન અંગે વાલીઓને સમજ આપવામાં આવી હતી. ઉપરાંત આ મિટિંગમાં કુલ 70 વાલીઓ, જોડિયા તાલુકાના BRC શ્રી આશિષભાઈ રામાનુજ, હડિયાણાના CRC કનુભાઈ જાટીયા, હડિયાણા ગામના સરપંચશ્રી કુસુમબેન પરમાર, SMC ના અધ્યક્ષ સુનિલભાઈ પરમાર, શાળાના તમામ શિક્ષકો જોડાયા હતા અને વાલીઓને માર્ગદર્શન આપ્યું હતું.મિટિંગના અંતે વાલીઓ પાસેથી શાળાને લગતા સૂચનો પણ મેળવવામાં આવ્યા હતા. આમ ડિજિટલ માધ્યમથી યોજાયેલ વાલી મીટીંગમાં વાલીઓ ખૂબ ઉત્સાહથી જોડાયા હતા…….
શરદ એમ.રાવલ.. હડિયાણા…
