*રિપોર્ટર શબ્બીર ભાઈ સેલોત કોડીનાર*
આજરોજ પવિત્ર નવરાત્રી મહોત્સવ નાં પ્રથમ દિવસે ઉનાના પુર્વ ધારાસભ્ય કાળુભાઇ રાઠોડ નાં માર્ગદર્શન હેઠળ જિલ્લા પંચાયત નાં સભ્ય લખમણભાઈ બાંભણિયા નાં નેજા હેઠળ ઉના તાલુકાના દરિયાકાંઠા વિસ્તારનાં કોબ ગામના કાદી વિસ્તારમાં આશરે 50 થીં વધુ મકાનો નાં પરિવારો માટે રહેણાંક વિસ્તારમાં કેસરીયા જુથ પાણી પુરવઠાની કેસરીયા થી ચીખલી ગામની પસાર થતી પાઈપલાઈન માંથી પાણીનું કનેકશન જોડાણ કરવામાં આવ્યું હતું.
અંહિયા વસવાટ કરતા લોકો માટે પીવાના પાણી માટે કોઈ સગવડ ઉપલબ્ધ હોય નહીં જેથી લોકો ને પાણી માટે ભારે હાલાકી ભોગવવી પડી રહી હતી જેથી સ્થાનિક લોકોની માંગણી ને ધ્યાને લઇ પાણીની સમસ્યા દૂર કરવામા આવી છે.
જેથી ગામના સ્થાનિક લોકોએ પુર્વ ધારાસભ્ય કાળુભાઇ રાઠોડ, જિલ્લા પંચાયતના સદસ્ય લખમણભાઇ બાંભણીયા તેમજ પાણી પુરવઠા બોર્ડ નો આભાર પ્રગટ કરી ખુશી ની લાગણી વ્યક્ત કરી હતી.
આ તકે કોબ જિલ્લા પંચાયત નાં સદસ્ય લખમણભાઈ બાંભણિયા, કોબ ગામના સરપંચ પાંચાભાઈ ભાલીયા સહિતના આગેવાનો અને યુવાન કાર્યકરો ઉપસ્થિત રહ્યા હતા
