રોટરી કલબ ડીસાના નવા વરાયેલ હોદેદારોનું જલારામ મંદિરે કરવામાં આવેલ શાનદાર સન્માન
ડીસા રોટરી ક્લબના નવા હોદેદારોની તાજેતરમાં જ વરણી થતાં સૌ હોદેદારો જલારામ મંદિર ડીસા ખાતે દર્શન તેમજ આશીર્વાદ માટે પધાર્યા હતા.આ દિવ્ય અવસરે રોટરી કલબ ડીસાના પ્રમુખ હસમુખભાઇ પોપટ,મંત્રી મુકેશભાઈ લોધા,ઉપપ્રમુખ કરસનભાઈ ખત્રી તેમજ બોર્ડ ઓફ ડિરેક્ટરના સભ્યો સર્વ નટુભાઈ પટેલ,કેયુરભાઈ ઠકકર,રોહિતભાઈ ચોકસી સહિત સૌનું ફૂલછડીથી શાનદાર સન્માન કરી અભિનંદન સહ અઢળક શુભેચ્છાઓ પાઠવવામાં આવી હતી.આ શુભ અવસરે ચારધામ યાત્રા કરી સુખરૂપ પરત આવેલ ડીસાના પ્રખર ગૌભકત ગફુલભાઈ માલજીભાઈ દેસાઈનું પણ બહેનોએ શાનદાર સન્માન કર્યું હતું. જલારામ ભકતો સર્વ શારદાબેન આચાર્ય,ભગવાનભાઈ બંધુ,કમલેશભાઈ રાચ્છ,કલ્પેશભાઈ ઠકકર-લાલાભાઈ,દિનેશભાઈ ચોકસી,આનંદભાઈ પી.ઠકકર,બળદેવભાઈ રાયકા,મહેશભાઈ મનવર,દિનેશભાઈ કવિરાજ,નરેશભાઈ ઉડેચા,જીતુભાઈ અખાણી,મનુભાઈ પૂજારા,પ્રવિણભાઈ એન.ઠકકર,કેતનભાઈ પટેલ,પિયુષભાઈ અખાણી,પ્રકાશભાઈ મજેઠીયા,હસમુખભાઇ ચૌહાણ સહિત સૌએ ખાસ ઉપસ્થિત રહી રોટરીના હોદેદારોનું સન્માન કર્યું હતું.આ અવસરે હસમુખભાઇ પોપટ,ગફુલભાઈ દેસાઈ,મુકેશભાઈ લોધા સહિત સૌએ પોતાનો પ્રતિભાવ આપી રાજીપો વ્યક્ત કરી સન્માન બદલ આભાર માન્યો હતો.સૌએ ગુરૂવારની પૂજ્ય જલારામ બાપાની મહાઆરતીમાં જોડાયા હતા.
