*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:મોરબી તાલુકાના પીપળીયા ચારરસ્તા નજીક થયેલ ખુનના ગુન્હાના બંન્ને આરોપીઓને ગણતરીના સમયમાં પકડી પાડતી ક્રાઇમ બ્રાન્ચ/મોરબી તાલુકા પોલીસ*

મોરબી તાલુકાના પીપળીયા ચારરસ્તા નજીક કોલસાના ડેલા પાસે થયેલ ખુનના ગુન્હાના બંન્ને આરોપીઓને ગણતરીના સમયમાં પકડી પાડતી ક્રાઇમ બ્રાન્ચ/મોરબી તાલુકા પોલીસની ટીમ

તા-૦૩/૦૧/૨૦૨૬
ગઇ કાલ તા.૧૧/૦૫/૨૦૨૬ ના બપોરના દોઢ થી પોણા બે વાગ્યા દરમ્યાન પીપળીયા ચાર રસ્તાથી આમરણ તરફ વિશ્વમ કોર્પોરેશન નામના કોલસાના ડેલાના ગેટ સામે ન્યુ નવલખી ટાટા નગરના અબ્બાસ અબ્દુલ સોતા નામના ૨૯ વર્ષના યુવાનને છરીના ઘા મારી મોતને ઘાટ ઉતારી તેના બંન્ને ભાઇઓને પાઇપ તથા લોખંડના સળીયા વડે માર મારી ઇજા પહોચાડતા મોરબી તાલુકા પો.સ્ટે. ખાતે ગઇ કાલ તા.૧૧/૦૫/૨૦૨૬ ના કલાક ૨૦/૩૦ વાગ્યે ખુન અંગેનો ગુન્હો રજીસ્ટર થયેલ જે ગુન્હાની તપાસ પોલીસ અધીક્ષકશ્રી મોરબીની સુચના મુજબ અમોએ સંભાળેલ

આ ગુન્હાની હકીકત એવી છે કે આ કામના મરણ જનાર અબ્બાસ અબ્દુલ સોતા તેના કુટુંબીક બનેવી આશીફ ઇલીયાસ દલની બહેન સાથે મોબાઇલ ફોન પર મેસેજ કરી વાતચીત કરતો હોય જેની જાણ થઇ જતા આરોપી આશીફ ઇલીયાસ દલ તથા તેના બનેવી હુશેન ઇબ્રાહિમ સાઇચા બંન્નએ મળી મરણ જનાર અબ્બાસ અબ્દુલ સોતા તથા તેના બંન્ને ભાઇઓ હસન સોતા તથા સુલતાન સોતાને ફોન કરી સમાધાન માટે બોલાવી તેઓ ત્રણેયને જેમ ફાવે તેમ ગાળો આપી ઉશ્કેરાઇ જઇ પોતાની પાસેના જીવલેણ હથિયાર વડે હુંમલો કરી અબ્બાસ સોતાને છાતીના ભાગે છરીનો ધા મારી ગંભીર ઇજા મોત નિપજાવી તેમજ ફરીયાદી તથા સાહેદને પાઇપ વડે માર મારી નાની મોટી ઇજાઓ કરી જીલ્લા મેજીશ્રી મોરબીના હથિયારબંધી જાહેરનામાં નો ભંગ કરી ગુન્હો આચરતા મોરબી તાલુકા પો.સ્ટે.ખાતે બંન્ને આરોપીઓ વિરૂધ્ધ મર્ડર અંગેનો ગુન્હો રજીસ્ટર થયેલ

જે ખુન અંગેના ગંભીર ગુન્હાની નોંધ લઇ પોલીસ મહાનિરીક્ષક શ્રી રાજકોટ વિભાગ રાજકોટ તથા પોલીસ અધિક્ષક શ્રી મોરબીએ આ ખુનના ગુનામાં સંડોવાયેલ બંન્ને આરોપીઓને સત્વરે પકડી તેઓ વિરૂધ્ધ પુરતા પુરાવાઓ એકત્રીતકરી કાયદેસરની કાર્યવાહિ કરવા સારૂ શ્રી આર.સી.ગોહિલ ઇન્ચાર્જ પોલીસ ઇન્સપેકટર, એલ.સી.બી.મોરબીને સુચના કરેલ હોય જે અન્વયે પોલીસ ઇન્સ્પેકટર એલ.સી.બી. મોરબીની સુચના તથા માર્ગદર્શન હેઠળ શ્રી બી.ડી.ભટ્ટ તથા શ્રી વી.જી.માલાણી પો.સબ.ઇન્સ.તેમજ એલ.સી.બી./પેરોલ સ્ટાફના માણસો તથા મોરબી તાલુકા પો.સ્ટે.ના ઇન્ચાર્જ પોલીસ ઇન્સ્પેક્ટર શ્રી જે.ડી.સરવૈયા તથા સર્વેલન્સ સ્ટાફના માણસોની અલગ અલગ ટીમો બનાવી આ ગંભીર પ્રકારના ગુન્હાના બંન્ને આરોપીઓને સત્વરે પકડી પાડવા સારૂ કાર્યરત કરેલ તે દરમ્યાન ટેક્નીક માધ્યમ, હ્યુમનસોર્સ, તથા ખાનગી બાતમીરાહે હકીકત મેળવી આ ગુન્હાના નીચે જણાવેલ નામવાળા બંન્ને આરોપીઓને ગણતરીના સમયમાં પકડી પાડી આગળની તપાસ કાર્યવાહિ હાથ ધરેલ છે.

-પકડાયેલ આરોપીઓના નામ સરનામુ:-

(૧)આસીફભાઇ અલીયાસભાઇ દલ ઉ.વ.૨૬ રહે.નવીનવલખી તા.માળીયા (મીં) જી.મોરબી

(૨)હુશેનભાઇ અભરામભાઇ ઉર્ફે ઇબ્રાહિમભાઇ સાઇચા ઉ.વ.૨૮ રહે.નવીનવલખી તા.માળીયા

(મીં) જી.મોરબી

– કામગીરી કરનાર અધિકારી તથા કર્મચારી

શ્રી આર.સી.ગોહિલ ઇન્ચાર્જ પોલીસ ઇન્સપેકટર, એલ.સી.બી.મોરબી,શ્રી જે.ડી.સરવૈયા ઇન્ચાર્જ પોલીસ ઇન્સેક્ટર મોરબી તાલુકા પો.સ્ટે. તથા PSI શ્રી બી.ડી.ભટ્ટ,શ્રી વી.જી.માલાણી તથા શ્રીસી.એચ.સોંદરવા PSI મોરબી તાલુકા પો.સ્ટે.તથા એલ.સી.બી./પેરોલ સ્ટાફ તથા મોરબી તાલુકા પો.સ્ટે.ના સર્વેલન્સ સ્ટાફ કામગીરીમાં જોડાયેલ હતાં.