મોરબીના જૂના બસ સ્ટેશન પાસે આવેલ નવાડેલા રોડ નું ૩૪ લાખના ખર્ચે સી.સી રોડનું કામ પૂર્ણ થતા આ રોડના તમામ વેપારીએ નગરપાલિકાના વહીવટદાર તથા વોર્ડ નંબર 6 ના સુધરાઇ સભ્યના સન્માન કરી તેમની કામગીરીને બિરદાવી હતી.
મોરબીના નવાડેલા રોડ ઉપર ઘણા સમયથી આ રસ્તો તૂટી ગયો હતો અને ચોમાસાની ઋતુમાં અહીં પાણી ભરાવાની સમસ્યા થી વેપારીઓ મુશ્કેલીમાં મુકાયા હતા. ત્યારે મોરબી નગરપાલિકા દ્વારા તાજેતરમાં જ રૂપિયા ૩૪ લાખના ખર્ચે સી.સી રોડ બનાવી દેવાતા રોડનું કામ પૂર્ણ થયું હતું અને તેની ખુશીમાં નવાડેલા રોડના વેપારીઓએ મોરબી નગરપાલિકાના વહીવટદાર ગિરીશ સરૈયા, ઇજનેર ધીરુભાઈ સુહેલિયા, વોર્ડ નંબર 6ના સુધરાઇ સભ્ય હનીફભાઇ મોવર તથા સુરભીબેન ભોજાણીનું હાર પહેરાવી સન્માન કરવામાં આવ્યું હતું. આ પ્રસંગે મોરબી નવાડેલા રોડ ના તમામ વેપારીઓ ઉપસ્થિત રહ્યા હતા.
