ગુજરાત રાજ્યમાંથી આંતરરાષ્ટ્રીય કક્ષાનાં રમતવીરો તૈયાર થાય અને ખેલાડીઓને પ્લેટફોર્મ મળી રહે તે હેતુ થી રમત-ગમત વિભાગ ગુજરાત સરકાર દ્વારા દર વર્ષે ખેલ મહાકુંભનું આયોજન કરવામાં આવે છે.જે અંતર્ગત તારીખ 24 માર્ચનાં રોજ માળીયા તાલુકા કક્ષાનો ખેલ મહાકુંભ મેઘપર ખાતે યોજાયો હતો.જેમાં માળીયા તાલુકાની કુંતાસી પ્રાથમિક શાળાની કબડ્ડી ટીમ અન્ડર ફોર્ટીનમાં બન્ને રાઉન્ડમાં સુંદર દેખાવ કરી વિજય મેળવ્યો હતો.સાથે શાળાના શિક્ષક બેચરભાઈએ ઓપન કેટેગરીમાં ઊંચી કૂદ અને લાંબી કૂદ માં મેદાન માર્યું હતું.હવે આ વિદ્યાર્થીઓ અને શિક્ષક આવતા અઠવાડિયે જિલ્લા કક્ષાએ મોરબી ખાતે ભાગ લેવા માટે જશે.
