નડિયાદ: સફળતા કોઈનો ઈજારો નથી ખૂબ નાની ઉંમરે કઠોર પરિશ્રમ કરી રાજ્ય કક્ષા સુધી પહોંચવું એ કોઈ નાની અમથી વાત નથી પરિશ્રમ એજ પારસમણિ છે. ના સૂત્રને સાર્થક કરતો સાક્ષર નગરી નડિયાદના પ્રસિધ્ધ યુવા ધારાશાસ્ત્રી તોફિકબેગ મિરઝા નો પુત્ર હસ્સાન બેગ મિરઝા એ તાજેતરમાં ગુજરાત સરકાર દ્વારા તા.૧૫.૦૫.૨૦૨૨ ના રોજ રાજ્ય કક્ષાએ ખેલ મહાકુંભ કરાટે કોમ્પિટિશનનું નડિયાદ સ્પોર્ટ કોમ્પેક્ષ માં આયોજન કરવામાં આવ્યું હોય જેમાં હસ્સાન બેગ મિરઝા એ બોન્ઝ મેડલ મેળવી નડિયાદ શહેરની સાથે સમગ્ર ખેડા જિલ્લાનું ગૌરવ વધારેલ છે.
કહેવાય છે કે પ્રોત્સાહન વિના પરિશ્રમ પાંગળુ હોય છે હસ્સાન બેગ મિરઝા ની આ પ્રસિદ્ધિમાં સૌથી મહત્વપૂર્ણ યોગદાન તેમનાં પ્રાધ્યાપક સંજયભાઈ તેમજ આર કે માર્સલ આર્ટના રશ્મિનભાઈ પટેલ ની સાથે દરેક ક્ષેત્રે પ્રોત્સાહન બળ પુરુ પાડનાર તેમના વાલી મંડળ તેમજ પરિવાર જનો ની સાથે સમગ્ર મિત્ર વર્તુળ ને ખરો શ્રેય જાય છે. તેવીજ રીતે ઉત્તરોત્તર પ્રગતિ કરી પોતાનાં ઘર પરિવાર તેમજ સમાજની સાથે નડિયાદ શહેર ખેડા જિલ્લા અને ગુજરાત રાજ્ય તેમજ દેશનું નામ વિશ્વ કક્ષાએ સુવર્ણ અક્ષરોમાં અંકિત કરાવવામાં સહભાગી બને તેવી શુભેચ્છા સામાજિક કાર્યકર શકીલ સંધી એ પાઠવી છે.
