કચ્છ આમતક દૈનિક અને આમતક ટીવી ન્યુઝ ચેનલના તંત્રી અને ઓનર્સ વિજયભાઈ ઘેલાણીનો આજે જન્મદિવસ
કચ્છ ભૂજના વરિષ્ઠ પત્રકાર વિજયભાઈ ઘેલાણીનો આજે તા. ૨૧ ઓગષ્ટના રોજ જન્મદિન હોવાથી અઢળક શુભેચ્છા મળી રહી છે. મૂલ્યનિષ્ઠ પત્રકારના ગુણ વિજયભાઈને વારસામાં જ મળ્યા છે. તેમના પિતા સ્વ.ખેતશીભાઈ ઘેલાણી, તેમજ આઝાદી ના લડવૈયા સ્વ.ડાયાભાઈ ઘેલાણીએ ભાણવડ વિસ્તારમાં વરસો સુધી પત્રકારીત્વ ક્ષેત્રે યોગદાન આપ્યુ છે. આજે પણ તેઓની સેવાને ભાણવડ વિસ્તારના લોકો યાદ કરે છે.
વિજયભાઈએ પત્રકાર આલમની શરૂઆત જામનગરથી કરી હતી ત્યારબાદ સુરેન્દ્રનગરમાં સાંજ સમાચાર દૈનિક પેપરમાં પત્રકાર તરીકે પૂરા ૨૦ વર્ષ સુધી યોગદાન આપ્યુ હતુ. ત્રણ પેઢીનું પત્રકારત્વનું ભાથુ અને 37 વર્ષ ના પત્રકારત્વ ક્ષેત્રે અનુભવ ધરાવતા અને છેલ્લા 18 વર્ષથી કચ્છડો બારેમાસ કચ્છને પોતાની કર્મભૂમિ બનાવી પત્રકારત્વ ધર્મને સતત ઉજાગર કરનાર મિતભાષી સરળ વ્યક્તિત્વ અને અજાત શત્રુ એવા અમારા સૌના માર્ગદર્શક શ્રી વિજય ઘેલાણી ના આજે મંગલ જન્મદિવસ પ્રસંગે હૃદય પૂર્વકની ખુબ ખુબ શુભકામના સાથે પત્રકારત્વ ક્ષેત્રે તેઓ હંમેશાં શિરમોર રહે એવી મંગલ કામના સાથે અમે સૌ હૃદય પૂર્વકની ખુબ ખુબ શુભકામના પાઠવીએ છીએ.ફરી એક વખત જન્મદિવસની ખૂબ ખૂબ વધાઈ…..
રીપોર્ટ : જનક રાજા, મોરબી
