*મુખ્યમંત્રી ભૂપેન્દ્રભાઈ પટેલે ધ્રોલ-લતિપુર-સાવડી-ટંકારા રોડ માટે ₹૪૦ કરોડ મંજૂર કર્યા: ધારાસભ્ય મેઘજીભાઈ ચાવડાએ આભાર વ્યક્ત કર્યો*
૭૬-કાલાવડ વિધાનસભા વિસ્તારના ધારાસભ્ય મેઘજીભાઈ ચાવડાએ તાજેતરમાં ગાંધીનગર ખાતે મુખ્યમંત્રી શ્રી ભૂપેન્દ્રભાઈ પટેલ સાથે મુલાકાત કરીને વિસ્તારના રોડ-રસ્તાના વિકાસકામો અંગે રજૂઆત કરી હતી. વધતા જતા ટ્રાફિક અને વાહનવ્યવહારની સુવિધાને ધ્યાને રાખીને મુખ્યમંત્રીશ્રી દ્વારા ધ્રોલ-લતિપુર-સાવડી-ટંકારા માર્ગ માટે ₹૪૦ કરોડની રકમ મંજૂર કરવાની સત્તાવાર જાહેરાત કરવામાં આવી છે.
*અત્રે ઉલ્લેખનીય છે કે, ફલ્લા,વથલી,કાલાવડ રોડ માટે ધારાસભ્ય મેઘજીભાઈ ચાવડાની રજૂઆતના પગલે અગાઉ ₹૩૨ કરોડ મંજૂર કરવામાં આવ્યા હતા. ઈજનેરશ્રીના જણાવ્યા અનુસાર આ કામગીરી માટે હાલ ટેન્ડર પ્રક્રિયા થઈ ચૂકી છે,ધ્રોલ ત્રિકોણથી લતિપુર ચોકડી જોડિયા રોડ: નેશનલ હાઈવેને જોડતા આ માર્ગ માટે ₹૬.૫૦ કરોડ મંજૂર કરાવવામાં આવ્યા હતા, જેનું નિર્માણ કાર્ય હાલ પ્રારંભિક ધોરણે ચાલુ કરી દેવામાં આવ્યું છે.*
વિસ્તારના આ મહત્વપૂર્ણ રસ્તાના કામો ઝડપથી મંજૂર કરવા બદલ ધારાસભ્ય મેઘજીભાઈ ચાવડાએ મુખ્યમંત્રીશ્રીનો આભાર વ્યક્ત કર્યો છે.(*લલિત નિમાવત દ્વારા*)
