રિપોર્ટર: કે.જી.નવતાણી મોરબી
મોરબી અહી આવેલ લાતીપ્લોટ વિસ્તારમાંથી ચોરી થયેલ મો.સા. એકટીવા લઈને નીકળેલા ઈસમને મોરબી એ ડીવીઝન પોલીસે મકરાણીવાસ નજીક રામઘાટ પાસે થી ઝડપી લીધો છે અને ચોરીનું મો.સા.એકટીવા કબજે લેવામાં આવ્યું છે ઝડપાયેલ આરોપી રીઢો ગુનેગાર હોવાનું પ્રકાશ માં આવ્યું છે જે અનેક ચોરીના ગુન્હાઓમાં પોલીસ ચોપડે ચડી ચુક્યો છે
મોરબી જીલ્લા પોલીસવડા સુબોધ ઓડેદરાની સુચના અને ડીવાયએસપી અતુલકુમાર બંસલના માર્ગદર્શન હેઠળ મોરબી એ ડીવીઝન પોલીસ ટીમ પેટ્રોલીગ માં હોય એ સમય દરમિયાન મકરાણી વાસ નજીક રામઘાટ પાસેથી મો.સા. એકટીવા લઈને જતા એક ઇસમ હાજી અકબર માણેક (ઉ.વ.૨૬)નામ ના શખ્સ રહે વિસીપરા મોરબી વાળાને ઝડપી લઈને વાહનના કાગળો માંગતા આરોપી સંતોષકારક જવાબ આપી શક્યો ના હોય જેથી પોકેટ કોપ એપ્લીકેશનમાં સર્ચ કરતા એકટીવા તા. ૦૧ ના રોજ લાતીપ્લોટમાંથી ચોરી થયાનું ખુલ્યું હતું જેથી આરોપીની સઘન પૂછપરછ કરતા આરોપીએ એકટીવા લાતીપ્લોટમાંથી ચોરી કર્યાની કબુલાત આપી હતી જેથી ૩૦ હજારનું એકટીવા કબજે લઈને પોલીસે કાયદેસર કાર્યવાહી હાથ ધરી છે
ઝડપાયેલ આરોપી અનેક વાર ચોરીના ગુન્હેગાર છે જેમાં અગાઉ મોરબી એ ડીવીઝન પોલીસ મથકમાં ૩ ચોરી, તાલુકા પોલીસ મથકમાં ૦૩ ચોરી, વાંકાનેર તાલુકા પોલીસમાં ૦૨ ચોરી, સુરેન્દ્રનગર સીટી પોલીસમાં ૦૧ ચોરી અને ગાંધીધામ અને રાજકોટ પોલીસ મથકમાં ચોરીના ગુન્હાઓમાં સંડોવાયેલ હોવાનું ખુલ્યું છે
જે કામગીરીમાં એ ડીવીઝન પીઆઈ જે એમ આલ, રામભાઈ મંઢ, કિશોરભાઈ મિયાત્રા, સંજયભાઈ બાલાસરા, ચકુભાઈ કલોતરા, આશીફ્ભાઈ રાઉમા, શક્તિસિંહ પરમાર, તેજાભાઈ ગરચર, હસમુખભાઈ પરમાર, અરજણભાઈ ગરી યા, કોમલબેન મિયાત્રા સહિતની ટીમ જોડાયેલ હતી
