વર્તમાન દિવસોમાં ઠંડીનું જોર વધ્યું છે ત્યારે સેવાભાવી સંસ્થાઓએ પણ સેવાનું જોર વધાર્યું છે.ડીસાની રોટરી કલબ ઓફ ડીવાઈનની બહેનોએ રઘુવંશી એજ્યુકેશન ટ્રસ્ટ સંચાલિત ડીસાની સર્વ મંગલમ સ્કૂલનાં જરૂરિયાતમંદ અંદાજે 70 જેટલાં બાળકોને સ્વેટર,મોજાં,ટોપીનું વિતરણ કરી આનંદની લાગણી વ્યક્ત કરી હતી.રોટરી કલબ ડીવાઈનનાં પ્રમુખ ડો.રીટાબેન પટેલ તેમજ મંત્રી હિનલબેન અગ્રવાલે પ્રાસંગિક ઉદબોધન કર્યું હતું.રઘુવંશી એજ્યુકેશન ટ્રસ્ટના પ્રમુખ કનુભાઈ આચાર્ય, ઉપપ્રમુખ ભગવાનભાઈ બંધુ,મંત્રી ઈશ્ર્વરભાઈ રાવળ,ટ્રસ્ટીઓ જયંતિભાઈ ઓઢાવાળા,જયેશભાઈ દેસાઈ,વિપુલભાઈ દેસાઈ,શાળાના આચાર્ય વનીતાબેન સુથાર તેમજ સૌ શિક્ષકોએ ખાસ હજાર રહી વ્યવસ્થા ગોઠવી હતી.
આ પ્રોજેક્ટની સફળતા માટે રોટરી ક્લબ ડીવાઈન ડીસાની બહેનો સર્વ વર્ષાબેન પટેલ,અરૂણાબેન શર્મા,ધર્મિષ્ઠાબેન પટેલ,વિણાબેન પંચાલ,કાન્તાબેન પટેલ,રાજલબેન કતીરા,ચેતનાબેન પટેલ,કિંજલબેન ઠક્કર સહિત સૌએ હાજરી આપી સંપૂર્ણ સહકાર આપ્યો હતો.રોટરી કલબ ડીવાઈન દ્રારા આશાકિરણ શાળાના માધ્યમથી જરૂરિયાતમંદ બાળકોને વિનામૂલ્યે નિયમિત ભણાવવામાં પણ આવે છે.સંસ્થાના નિસ્વાર્થ મંત્રી અને અડીખમ આજીવન કાર્યકર ઈશ્ર્વરભાઈ રાવળની કામગીરીની સૌએ ભારોભાર પ્રશંસા કરી તેમને બિરદાવ્યા હતા.
