મોરબી:તા ૨૦ આજ રોજ મોરબી સિરામિક એસોસિએશનના પ્રમુખ મનોજ એરવાડિયા દ્વારા નવનિયુક્ત મોરબી મહાનગરપાલિકાના કમિશ્નર મેડમ શ્રીમતી સંગીતાબેન રૈયાણી સાથે શુભેચ્છા મુલાકાત કરવામાં આવી હતી.
આ મુલાકાત દરમિયાન મનોજ એરવાડિયાએ કમિશ્નર મેડમને નવી જવાબદારી સંભાળવા બદલ હાર્દિક શુભેચ્છાઓ પાઠવી હતી તેમજ તેમના કાર્યકાળ દરમિયાન મોરબી શહેર વિકાસના નવા શિખરો સર કરે, શહેરમાં વધુ સારી માળખાકીય સુવિધાઓ ઉભી થાય, સ્વચ્છતા, ટ્રાફિક, રોડ-રસ્તા, પાણી અને અન્ય નાગરિક સુવિધાઓમાં વધારો થાય તેમજ મોરબીની જનતાને વધુ સુખાકારીપૂર્ણ જીવન જીવવાની તક મળે તેવી શુભકામનાઓ વ્યક્ત કરી હતી.
સાથે જ મોરબી મહાનગરપાલિકા અને ઉદ્યોગજગત વચ્ચે સંકલનથી શહેરના સર્વાંગી વિકાસને નવી દિશા મળશે તેવી આશા વ્યક્ત કરવામાં આવી હતી.
