ધ્રોલ તારીખ 3 ગતરાત્રિના ધ્રોલમાં તસ્કરોએ પડાવ નાખ્યો હતો અને રહેણાંકના મકાનમાંથી સોના ચાંદીના ઘરેણા રોકડ અને હોન્ડા બાઈક સહિતના ₹1,84,000 ની મતાની ચોરી કરી તસ્કરો રફુ ચક્કર થઈ ગયા હતા
જાણવા મળતી વિગત મુજબ જોડિયા રોડ પર આવેલા રાધે પાર્કમાં રહેતા અને પી ડબ્લ્યુ ડી માં અગાઉ ફરજ બજાવતા નિવૃત કર્મચારી વિજયભાઈ રાવલ ના ઘરે તસ્કરો ત્રાટક્યા હતા અને વિજયભાઈ નો પરિવાર ઘરના ઉપલા માળે સૂતો હતો તે સમયે મોડી રાત્રે તસ્કરોએ ઘરનો દરવાજો તોડી અંદર પ્રવેશી કબાટનો લોક તોડી રૂપિયા એક લાખ રોકડા અને સોના ચાંદીના દાગીના ૬૭,૫૦૦ એક સીંગતેલનો ડબ્બો ૨૦૦૦, તેમજ પાડોશમાં રહેતા સંદીપભાઈ ની બાઈક કિંમત ૧૫૦૦૦, રૂપિયા ની ચોરી કરી રફુચક્કર થયાની ફરિયાદ જયદીપ વિજયભાઈ રાવલે નોંધાવી હતી
વહેલી સવારે પરિવારના સદસ્યો ઊઠીને નીચે ગયા ત્યાં સામાન બધો વેર વીખેર હતો જેની પરિવારના બીજા સભ્યોને જાણ કરી પોલીસને જઈને પોલીસ ફરિયાદ નોંધાવી હતી ફરિયાદના પગલે પીએસઆઇ પનારા અને સ્ટાફ દોડી ગયો હતો અને સીસીટીવી ફૂટેજ મારફતે ચોરો ની શોધ ખોળ આદરી હતી
